Skip to Content

97 Views

حەیف ! … نەوزاد بەندی

حەیف ! … نەوزاد بەندی

Be First!
by July 3, 2019 General, Poems
image_print


ھەور ئینیستیگرامی نییە
تا لێی بپرسم :
ئیجازەکەت کەی تەواو ئەبێ ؟

دوکەڵ
فەیسبوکی نییە،
تا بۆی بنوسم :
توخوا عەیب ناکەی
ناوسکی ئەو خەڵکەت ڕەشکردەوە ؟

لە مرۆڤەکان نائومێدم
ناچار ڕەخنە لە توێکڵە گوڵەبەڕۆژە ئەگرم
کە بۆچی فێری فڕین نابێ و
تاکو تەنەکەی خۆڵەکە ھەڵنافڕێ ؟
ڕەخنە لە قنگە جگەرە ئەگرم
کە بۆچی لەسەر شەقام لێی ئەکەوێ و
ناتوانێ وەک سەرباز زەحف کا و
تا تەنەکەی خۆڵەکە نەوەستێتەوە ؟؟
ڕەخنە لە تف ئەگرم
لە ڕۆنی ڕژاوی سەیارە
لە عەلاگەی نایلۆن ئەگرم ،
کە بۆچی قەت مۆڵەتێ وەرناگرن و
بۆینباخێ نابەستن و
گەشتی چەند وڵاتێکی تر ناکەن ؟؟

لە گەرما و سەرما زۆر عاجزم
کە بۆچی بە ھەموو ماسولکە و چەک و جبەخانەکانیانەوە
ئەدەن بەسەر وڵاتێکی بێ کارەبا
و
قەرزار
و
پڕ لە ھەژار و ملیاردێردا ؟؟

لە تاوەر تووڕەم ..زۆر ..
کە ئەزانێ ئەو خەڵکە
بێ ئیش و ھەناسە ساردن ،

ئیتر ئەم چوونە ھەورەی لە چی ؟
بۆچی لەگەڵ پۆلێ حاجی لەقلەقا مەمکەکەتی ژیانکونکەرە
جێ ناھێڵێ ..؟؟

زۆر گلەییم ھەیە لە ھەناسەدان
لە زیندە چالاکیی
لە میتابۆلیزم ..
لە DNA
لە RNA
ئێ ئەوانە ھی خەڵکێکن
خاوەنی ئەمڕۆن و
ئەزانن سبەینێ چی ئەکەن و ..
دوێنێ ڕووبەرێک لە شانازییان
بەجێھێشتووە ..

لە پۆشاک زۆر بێزارم
کە واز لەم ھەموو
تارماییە ناھێنێ ..
کە واز
لەم کۆمەڵگا
مردووە ناھێنێ
نازانم چۆن ناترسێ ..؟

نەوزاد بەندی
Nawzad Bandy

Previous
Next

Leave a Reply