Skip to Content

224 Views

دووانەی لەیەک موتوربەکراو … کەنعان مەدحەت

دووانەی لەیەک موتوربەکراو … کەنعان مەدحەت

Closed
by March 19, 2020 General, Poems


لە کلیلی دەرگا داخراوەکە دەگەڕێم
پێم لە مێشکی پووک و
بەرنامەی ژەنگن و
کەڕولێداویان دەکەوێ
دڕک بە هیچ روونکردنەوەیەک نابەم
بۆ دڕکی ژەهراوی ،
دەبێ ،
هەمیشە بە هەنگاوکانمەوە بیگرێ
رۆژانە قەدی ساڵنامە داتاشراوەکە
لە بێخەوە ڕائەتەکێنم
وەرزی پۆلێنکردنی
گوڵە تیشکم پێ ڕاگەیەنێ
لە پەنجەرە درز لێ کەوتەکەوە
دزە بکاتە خانەخوێم و
لەبەر تیشکی ڕۆشناییا سەرەخەو بشکێنم
رۆژانە.. ڕۆژانە..
نۆت ، بۆ ئاوازی لە باڵدانی پەپوولە و
خەرمانە شەو ،
بۆ لەرەی شەپۆل داڕێژم
رۆژانە.. ڕۆژانە..
لە لق و پۆپی درەخت دەپاڕێمەوە
ڕێم بەن ، ڕێ ،
رێ….
هەڵۆ و سەنگەر
وەک دوو هێمای ،
تابلۆی (دووانەی لەیەک موتوربەکراو)
لە پێشانگا و بۆن و
سەرتاسەری مۆزەخانەکانی مێشکما هەڵبواسم
بەرلەوەی دەستی ڕاوچییەکانم پێ بگەن
چوون بەرانی قۆچ لێکراو
لێی بکەوم

Previous
Next